Хитойдаги ойнаванд кўприкда махсус эффект ишга туширилди. Ижтимоий тармоқларда тарқалган видеода кўприк устида юриб кетаётган эркакнинг оёғи остидаги ойнанинг ёрила бошлагани акс этган. Кўринишидан, қўлида байроғи бўлган эркак сайёҳларни олиб юрувчи гид бўлган. Бу видеога TJournal эътибор қаратди.
Кўприк 1180 метр баландликда жойлашган бўлиб, унинг устида кетаётган эркак тиззаси билан йиқилиб, четга қочишга уринади, бироқ ойна ёрилишда давом этади.
Бир вақтнинг ўзида кўприк устида бошқа бир эркак бемалол юриб кетмоқда. Шу сабабли ижтимоий тармоқ фойдаланувчилари ёриқлар ҳақиқий эмас, деган фикрга келган. Бу махсус эффект бўлиб, видеога эътибор берган тармоқ фойдаланувчилар бу эффектлар сабабли кўприк устидан ўтувчи баъзи кишиларда юрак хуружи юз бериши мумкинлигини таъкидлаган.
Видео тарқалгач, кўприк жойлашган Шарқий Тайханьшань округи маъмурияти бунга изоҳ берган. Умга кўра, бу махсус эффектли панел бўлиб, улар кўприкнинг бир нечта қисмида ўрнатилган. Кимдир панел устига қадам қўйгач ойнанинг ёрилган овози эшитилади ва «ёриқлар» пайдо бўлади. Округнинг хабарида таъкидланишича, видеодаги гид мазкур эффектлар борлигини олдиндан билган.
Маъмурият одамлар бу эффектлардан қўрқиб кетганидан афсусдалигини билдирган, бироқ уларни олиб ташлаш режалаштирилмаяпти. Расмийлар махсус эффектларнинг қандай ишлашини ўз кўзи билан кўриш учун одамларнинг келишига умид қилмоқда.
Изоҳ (0)