Токиодаги Ханэда аэропорти диспетчерлари тўртта учиш-қўниш йўлакларидан бирига чиқиб кетган ит сабабли 14 та рейснинг учиб кетиш ва қўнишини кечиктиришга мажбур бўлди. Бу ҳақда Kyodo News нашри хабар бермоқда.
Маълум бўлишича, ит Окинавага учиб кетиши керак бўлган йўловчилардан бирига тегишли бўлган. Самолётга олиб бориш учун мўлжалланган махсус контейнерга жойланган ит бортга олиб чиқиш вақтида қафасдан чиқишга муваффақ бўлган ва қочиб кетган.
Аэропорт ходимлари итни тутиши учун 40 дақиқа керак бўлган. Аэропорт маъмурияти юкни ортишга масъул бўлган ходимга нисбатан текширув бошлаган.