Эквадор миллий суди порахўрликда гумон қилинаётган мамлакат вице-президенти Хорхе Гласни ҳибсга олиш учун ордер берди, деб ёзади «РБК».
Судья Мигель Хурадо, шунингдек, вице-президентнинг тоғаси Рикардо Риверани ҳибсга олиш учун ордер берди. Глас Oderbrecht қурилиш компаниясидан пора олганликда гумон қилинмоқда.
Прокуратура қўлидаги далилий ашё — аудиоёзувда вице-президент ва эквадорлик мансабдор пора олиш тафсилотларини муҳокама қилаётганини эшитиш мумкин. Эквадор президенти Ленин Морено Гласни 2017 йил августида ўз ваколатларидан маҳрум қилган.
Вице-президент эса ўзини айбсиз деб ҳисоблайди, у пора олишга алоқадорлигини исботловчи далил йўқлигини айтди.
Изоҳ (0)