Канадада полиция ити жиноятчини таъқиб қилиш чоғида тасодифан тўппончадан ўқ узди. Бу ҳақда CTV News телеканалига таяниб, «РИА Новости» хабар берди.
Ҳодиса Калгари шаҳри яқинида юз берган. Дўконлардан бирига ҳужум уюштирилган ва у ерга полицитячилар чақирилган. Икки нафар шубҳали шахс воқеа жойидан қочган ва уларнинг изидан полиция ити қувиб кетган.
Тўрт оёқли тартиб посбони буталар орасига югуриб кетган ва у ердан ўқ овози эшитилган.
«Полиция ити буталар орасида тўппонча топиб олган ва уни олмоқчи бўлганда, тўппонча отилиб кетган», — дейилади полиция хабарида.
Ҳодиса оқибатида ҳеч ким жарбланмагани айтилмоқда.
Изоҳ (0)