Интернет тармоғида Ер юзаси 30 километр баландликдан акс этган видео пайдо бўлди, деб ёзмоқда «РИА Новости».
Mirror нашрининг хабар беришича, АҚШнинг Денвер шаҳрида яшовчи эркак стратосфера қатламига гелий билан тўлдирилган ҳамда GoPro камераси ва GPS-трекер маҳкамланган метерологик пуфакни учирган. 30 километр баландликда конструкция бўлиниб кетган ва тасвирга олиш якунланган.
Метерологик пуфаклар одатда об-ҳаво маълумотларини тўплаш учун ишлатилади. Уларга ҳаво босими, ҳарорат, намлик ва шамол тезлигини қайд этувчи турли қурилмалар маҳкамланади. Бундай қурилмалар 40 километр баландликкача учиб бориши мумкин, бироқ конструкция кучли ҳаво босимини кўтара олмай ҳавода қисмларга бўлиниб кетиши мумкин.
Изоҳ (0)