Австралия ўзининг кўсмик агентлигини яратади. Бу ҳақда мамлакат илм-фан вазири Мишелия Кеш Халқаро астронавтика конгрессида маълум қилди, деб хабар берди «РБК».
Вазирнинг таъкидлашича, Австралия сунъий йўлдошлар учириш ва космик қурилмалар ёрдамида олинган маълумотларга хизмат кўрсатиш мақсадида ўз космик дастурини бошлаши жуда муҳим аҳамиятга эга.
Шунингдек, вазирнинг қўшимча қилишича, Австралия тез ўсиб бораётган космик хизмат кўрсатиш бозорида ўз ўрнига эга бўлиши лозим, ҳозирги вақтда у 330 миллиард долларга баҳоланмоқда.
Кешнинг қайд этишича, барча ривожланган мамлакатлар ўзининг космик агентлигига эга, жумладан, ўтган йили Янги Зеландия ҳам шу турдаги ташкилотга асос солди. «Космик агентликнинг яратилиши бизнинг космик технологияларни ривожлантириш ва қўллаш борасидаги узоқ муддатли стратегиямиз мавжуд эканлигини кўрсатади», — деди у.
68-халқаро астронавтика конгресси жорий йилда Австралиянинг Аделаида шаҳрида бўлиб ўтмоқда. Унда дунёнинг 80 дан ортиқ мамлакатидан 4 минг одам иштирок этмоқда.
Изоҳ (0)