Россия NASA агентлигининг Ой орбитасида истиқомат қилинадиган коинот станцияси қурилишини кўзда тутувчи Deep Space Gateway лойиҳасига қўшилади. Бу ҳақда «Роскосмос» раҳбари Игорь Комаров маълум қилди, дея хабар беради Meduza.
«Биз янги халқаро станция яратиш бўйича Deep Space Gateway лойиҳасида иштирок этиш юзасидан келишиб олдик. Биринчи модуллар Ой орбитасига 2024—2026 йилларда чиқарилиши режалаштирилмоқда», — деди «Роскосмос» раҳбари.
Комаровга кўра, Россия лойиҳа доирасида бирдан учтагача модул яратиш, станцияга учадиган барча кемалар учун туташув механизми стандартларини ишлаб чиқишга чоғланган. Шунингдек, станцияга парвозлар учун ўта оғир туркумдаги янги ракета ташувчидан фойдаланиш режалаштирилмоқда.
Deep Space Gateway лойиҳасида Хитой, Ҳиндистон, Бразилия ва ЖАР ҳам иштирок этиши кутилмоқда.
Изоҳ (0)