SpaceX асосчиси Илон Маск Ердаги манзиллар ўртасида қайтиб қўнадиган ракета ва космик кемалар ёрдамида ҳаракатланишни назарда тутувчи транспорт концепциясини тақдим этди. Meduza’нинг ёзишича, миллиардер Марсга парвозлар учун тайёрланаётган BFR («ҳаддан ташқари катта ракета») ракетасидан транспорт воситасида сифатида фойдаланишни таклиф қилмоқда.
Маск томонидан намойиш этилган тақдимотда бундай кема йўловчиларни Нью-Йоркдан Шанхайга 39 дақиқа ичида етказиши таъкидланади. Ернинг исталган икки нуқтаси ўртасидаги масофа бир соатдан камроқ вақт ичида босиб ўтилади. Бунда чипта нархи, Маскнинг сўзларига кўра, оддий самолётнинг эконом-классидаги тарифдан ошмайди.
Шунингдек, Маск SpaceX 2022 йилга қадар Марсга камида иккита юк кемасини етказишни режалаштираётганини эълон қилди. Компания Қизил сайёранинг дастлабки мустамлакачиларини 2024 йилгача Марсга етказмоқчи. Улар Марсда узоқ муддат яшашга мўлжалланган база қуришни бошлайди.
Supporting the creation of a permanent, self-sustaining human presence on Mars. https://t.co/kCtBLPbSg8 pic.twitter.com/ra6hKsrOcG
— SpaceX (@SpaceX) September 29, 2017
Бундан ташқари, BFR Халқаро космик станция ва Ойга ҳам кемаларни етказишга мослаштирилади.
BFR is capable of transporting satellites to orbit, crew and cargo to the @Space_Station and completing missions to the Moon and Mars. pic.twitter.com/p9staho4VZ
— SpaceX (@SpaceX) September 29, 2017
SpaceX асосчиси Илон Маск Марсга одамларни етказиш режалари ҳақида 2016 йил сентябрида эълон қилган эди. У Марснинг илк мустамлакачиларининг Ерга қайтиши эҳтимоли жуда камлигини маълум қилган эди.
2017 йил февралида эса SpaceX Ойга парвозлар режасини эълон қилди. Режа бўйича, бундай парвозлар 2018 йилдан бошланиши керак.
Изоҳ (0)