Бугун,

  • USD 11014.01
  • RUB 191.8
  • EUR 10674.78

Ироқ армияси ИШИД жангариларининг ҳужуми муваффақиятли қайтарди, шунингдек, камида 10 та террорчини йўқ қилди, деб хабар берди «РИА Новости».

Фото: Reuters

Фото: Reuters
Жангарилар гуруҳи 27 сентябрь, чоршанба куни эрталаб портловчи моддалар ўрнатилган иккита автомобилни кўприкда портлатиб, шунингдек, бир нечта постларга ҳужум қилган ҳолда Хаббания ва Разаза шаҳарлари ўртасидаги чорраҳада жойлашган бир нечта назорат-ўтказиш пунктларига яқинлашишга ҳаракат қилди. Бизнинг кучларимиз ҳужумни қайтарди.

Ироқ армиясининг қўшма қўмондонлиги

Ироқнинг Анбар вилояти хавфсизлик қўмитаси раҳбари Наим ал-Кауднинг маълум қилишича, Ироқ қўшинлари операция вақтида ИШИДнинг 10 дан ортиқ жангарисини йўқ қилган. Унинг сўзларига кўра, террорчилар гуруҳи Бағдод ғарбидаги Рамади шаҳридан етти километр нарига чекинган, кураш давом этмоқда.

АҚШ бошчилигидаги коалиция 21 сентябрь куни узоқ муддатли танаффусдан сўнг биринчи бор ИШИДнинг Бағдоддаги жангариларига зарба берган эди. Коалиция зарбалар айнан қаерга берилганини, шунингдек, ИШИД отрядлари таркибида қанча жангари бўлганлигини маълум қилмади.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

Изоҳ
Асосий янгиликлар