Кобул аэропортининг ракетадан ўққа тутилиши альянс мисссияси Афғонистонда бўлиб туриши зарурлигини кўрсатади. Бу ҳақда НАТО бош котиби Йенс Столтенберг маълум қилди, дея хабар беради «РИА Новости».
«Фуқаро аэропортига ҳужум — теракт, бу куч эмас, заифлик белгиси. Шу сабабли бундай ҳужумларни қарши олаётган Афғонистон хавфсизлик кучлари ҳаракатларини эътироф этишни истардим. Бу уларнинг профессионаллиги, содиқлиги, хавфсизликка таҳдидларга муносабат билдиришга қодирлигининг яна бир намунаси. Уларни ўқитиш ва маслаҳат беришда давом этаётганимизнинг боиси ҳам шу», — таъкидлади Йенс Столтенберг.
Эслатиб ўтамиз, НАТО бош котиби Йенс Столтенберг ва АҚШ мудофаа вазири Жеймс Мэттис эълон қилинмаган ташриф билан Афғонистонга келган кун Кобул аэропортига ракеталардан зарбалар берилди. Мазкур ҳужум учун жавобгарликни «Толибон» ҳаракати ва ИШИД ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)