Бутунжаҳон ёввойи табиат фонди (WWF) Германиянинг Лебус шаҳри расмийларига ёввойи Европа зубри ўлдирилиши туфайли айблов илгари суриш ниятида. Бу ҳақда «Интерфакс» хабар бермоқда.
The Independent нашрига кўра, зубр 13 сентябрь куни Берлиндан 88 километр узоқликдаги Лебус шаҳрида, Одра дарёси яқинида пайқалди. Жонивор дарё қирғоғига Германия билан чегарадаги Польшанинг Уйсьце-Варти миллий боғидан ўтгани тахмин қилинмоқда.
Маҳаллий расмийлар зубр хавф туғдиради деб ҳисоблади ва уни ўдиришга қарор қилди.
«250 йилдан кўпроқ вақт ўтиб Германияда ёввойи зубр аниқланди ва расмийлар уни отиб ўлдиришдан бошқа чора ўйлаб тополмади», — дейди фонд аъзоси Крис Хейнрик.
Изоҳ (0)