Дайр-аз-Зор шаҳрининг 85 фоиздан ортиқ қисми Сурия қўшинларининг тўлиқ назорати остида турибди, яқин ҳафтада шаҳар тўлиқ озод этилади, деб ёзади «РИА Новости» Россия мудофаа вазирлиги расмий вакили Игорь Конашенковга таяниб.
Унинг сўзларига кўра, сўнгги суткалар давомида Сурия ҳукумат қўшинлари ИШИДнинг Дайр-аз-Зор ҳудудидаги охирги таянчини йўқ қилиш бўйича ҳужумкор ҳаракатларни давом эттирган.
Бу орада Россия назорат воситалари «Сурия демократик кучлари» жангарилари Раққа вилоятидан Дайр-аз-Зор вилоятининг шимолий туманларига кўчирилганини қайд этган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)