Тинч океанининг шимолий қисмида одамлар таъсири остида келиб чиққан чиқиндилар тўдаси «Шарқий ахлат қитъаси», «Катта Тинч океани ахлат доғи» каби номлар билан аталмоқда, деб ёзади National Geographic.
Баъзи маълумотларга кўра, «ахлат қитъаси» 700 минг квадрат км майдонни эгаллайди, бу Техас штати ёки бутун Франция ҳудуди майдонига тенг. Бошқа маълумотлар бўйича эса ифлосланган ҳудуднинг майдони 15 миллион квадрат километрга етади, бу Россия майдонидан атиги 2 миллион квадрат километрга кам демакдир.
Экологлар муаммога жамоатчилик эътиборини қаратишга уриниб, вирусли кампанияни ишга туширди, унинг доирасида қуруқликни Trash Isles — Ахлат ороллари номли давлат деб эълон қилиш таклиф этилмоқда.
Активистлар байроқ, паспорт, чегара муҳрлари, банкнота ва почта маркалари дизайнини ишлаб чиқди. Change.org сайтига Trash Isles’ни давлат деб эълон қилиш талаби битилган петицияни жойлашди.
Изоҳ (0)