Жорий йилнинг охирига қадар Шимолий Фарғона каналининг Наманган шаҳри ҳудудидан ўтган 960 метр қисмида замонавий хиёбон қурилади. Бу ҳақда Наманган вилоят ҳокимлиги ахборот хизматига асосланиб, UZ24 хабар бермоқда.
Хабарда айтилишича, ушбу ҳудудда ноқонуний тарзда ўзбилармонлик билан шаҳарсозлик нормаларига зид равишда канал сув ҳавзаси ҳимоя ҳудудида қуриб олинган ошхоналар бузилади.
«Каналга ёндош Жалолиддин Мангуберди кўчасида транспорт қатнов қисмига ошхоналар мижозлари томонидан автомашиналар қўйилиши туфайли автоуловлар ҳаракатига ҳам салбий таъсир кўрсатиб келмоқда», — дейилади хабарда.
Хиёбон қурилиши режалаштирилган ҳудуддаги ноқонуний қурилмаларни бузиш тўғрисида масъул муассасалар томонидан огоҳлантириш хатлари берилган.
Изоҳ (0)