Joriy yilning oxiriga qadar Shimoliy Farg‘ona kanalining Namangan shahri hududidan o‘tgan 960 metr qismida zamonaviy xiyobon quriladi. Bu haqda Namangan viloyat hokimligi axborot xizmatiga asoslanib, UZ24 xabar bermoqda.
Xabarda aytilishicha, ushbu hududda noqonuniy tarzda o‘zbilarmonlik bilan shaharsozlik normalariga zid ravishda kanal suv havzasi himoya hududida qurib olingan oshxonalar buziladi.
“Kanalga yondosh Jaloliddin Manguberdi ko‘chasida transport qatnov qismiga oshxonalar mijozlari tomonidan avtomashinalar qo‘yilishi tufayli avtoulovlar harakatiga ham salbiy ta’sir ko‘rsatib kelmoqda”, — deyiladi xabarda.
Xiyobon qurilishi rejalashtirilgan hududdagi noqonuniy qurilmalarni buzish to‘g‘risida mas’ul muassasalar tomonidan ogohlantirish xatlari berilgan.
Izoh (0)