UzMobile компанияси ўзининг Facebook’даги саҳифасида Asian Fight 2017 мусобақасининг ташкиллаштирилиши борасида юрган гап-сўзларга изоҳ берди.
«Бизнинг компаниямиз бу каби тадбирнинг ўтказилиш ғояси абонентларимиз ва Ўзбекистон Республикасининг барча аҳолиси учун қизиқ бўлишини инобатга олиб ижобий баҳолаган эдик. Биз бундан кейин ҳам ушбу турдаги спорт тадбирлари аҳамиятли ва керакли бўлгани учун уларни қўллаб-қувватлашни давом этамиз.Биз Asian Fight 2017 қониқарсиз ташкиллаштирилгани борасидаги фикрларга қўшиламиз ва бу ҳақида лойиҳа ташкилотчиси Sunrise Entertainment агентлигига маълум қилдик. UzMobile компанияси ушбу тадбирнинг ташаббускори ёки ташкилотчиси эмас, шунчаки бош ҳамкори холос. Биз лойиҳани, унинг рекламасини молиялаштиришни ва UzMobile’дан совринли ўйинлар ўтказиш борасидаги қарорни қабул қилганимизда, ваъда қилинган нарсаларнинг аксарияти амалга оширилмаслигини, албатта, кутмаган эдик.
Мусобақанинг формати ва жадвали, шунингдек, дастлабки тадбирларнинг ташкиллаштирилиши ва «Бунёдкор» стадионида бўлиб ўтган мусобақанинг ўзи биз билан маслаҳатлашимлаган ҳолда, фақатгина ташкилотчилар томонидан аниқланган, меҳмонлар таркиби UzMobile рекламаси жойлаштирилгунига қадар эълон қилинган.
Абонентларимизга бизни тушунганликлари учун миннатдорчилик билдирамиз ва бу турдаги янги лойиҳаларни келажакда амалга оширишда ҳамкорларни яхшироқ танлаб олишга ҳаракат қиламиз.
UzMobile маʼмурияти
Изоҳ (0)