Олмаота шаҳри полиция ходимлари никоҳсиз хотинининг икки нафар фарзандини ўлдирганликда гумонлаб Ўзбекистон фуқаросини ҳибсга олди. Бу ҳақда шаҳар Ички ишлар департаментига таяниб, «Zakon.kz» хабар берди.
«Айни вақтда жиноятнинг содир этилиш сабабини аниқлашга қаратилган процессуал ва тергов ҳаракатлари олиб борилмоқда. Ушбу босқичда эркак ўз айбларини тан олмоқда. Дастлабки тергов жараёни доирасида терговнинг тўлиқлиги ва холислигини тасдиқлашга хизмат қиладиган эксперт хулосалари ва бошқа тадқиқотлар амалга оширилади. Шунингдек, ушбу эркак билан бирга болаларнинг онаси ҳам қўлга олинган бўлиб, у ҳам тергов қилинмоқда. Эслатиб ўтамиз, аёл бир кун олдин бедарак йўқолган дея қидирувга берилган эди», — деди Олмаота ИИД тергов бошқармаси раҳбари подполковник Рустам Абдураҳмонов.
Шунингдек, хабар берилишича, фуқаро В.нинг катта фарзанди қаерда эканлигини аниқлашга муваффақ бўлинган ва у тезда текширув ишларини амалга ошириш учун шифохонага етказилган.
Изоҳ (0)