Мьянма давлат маслаҳатчиси ва ташқи ишлар вазири, амалда мамлакат сиёсий етакчиси ҳисобланувчи Аун Сан Су Чжи БМТ Бош Ассамблеяси 72-сессиясида қатнашишдан бош тортди, деб ёзади «ТАСС».
«Синьхуа» агентлиги маълумотларига кўра, Аун Сан Су Чжи ўрнига, 20 сентябрь куни Нью-Йоркда Мьянма номидан республика вице-президенти Генри Ван Тхи нутқ сўзлайди. Аввалдан режалаштирилган сафар нима сабабдан бекор қилингани айтилмаяпти.
Тинчлик бўйича Нобель мукофоти совриндори Аун Сан Су Чжи Мьянманинг Ракхайн штатида вазият кескинлашиб кетганидан кейин дунё ҳамжамияти томонидан танқидга учради. У ерда зўравонлик авж олгани туфайли август охирида 400 дан ортиқ одам ҳалок бўлди. Ракхайнда яшайдиган роҳинжа халқининг 300 мингга яқин вакили Бангладешга қочишга мажбур бўлди.
Изоҳ (0)