2017 йилнинг августида Бразилия ғарбидаги Вали-ду-Жавари резервациясида ҳиндулар оммавий қирғин қилинган. Бу ҳақда The New York Times газетасига таяниб, Meduza маълум қилмоқда.
Ташқи дунё билан алоқаси бўлмаган Амазония қабиласи ҳиндулари (қабила ва унинг номи ҳақида ҳеч нарса маълум эмас) Амазониянинг олис қисмида дарё бўйида озиқ-овқат йиғиш билан машғул бўлган вақтда ноқонуний олтин қидирувчиларга тўқнаш келган.
Олтин қидирувчилар Бразилия ва Колумбия чегарасидаги кичик шаҳарга келиб, у ердаги маҳаллий барда ҳиндуларни ўлдирганини айтиб мақтанган ва қотилликларини ўзларини ҳиндулардан ҳимоя қилгани билан оқлаган. Шаҳар фуқаролари бу ҳақда полицияга маълум қилгач, олтин қидирувчиларнинг икки нафари қўлга олинди, айни пайтда улар гумонланувчилар сифатида тутиб турилибди.
Улар ўндан ортиқ ҳиндуларни, шу жумладан, аёллар ва болаларни ҳам ўлдирган. Ҳуқуқ муҳофазачилари қотилликни геноцид деб атамоқда, чунки ҳеч қачон ташқи дунё билан алоқада бўлмаган қабила атиги бир неча кишидан иборат бўлган.
Изоҳ (0)