Дунёнинг саккиз нафар энг бой одами 8 млрд долларга бойиди

Forbes глобал рейтингида биринчи саккизта поғонани эгаллаган бизнесменлар бир кеча-кундуздан камроқ вақт ичида 8,3 миллиард долларга бойиди, деб ёзади Forbes.

Рейтинг етакчиси — Microsoft асосчиси Билл Гейтс — ўз давлатини 27 миллион долларга кўпайтириб, 85,3 миллиард долларга етказди. Бунга компания акциялари 12 сентябрь куни 1,05 фоизга, 74,7 долларгача қимматлашгани сабаб бўлди.

Amazon акциялари нархи ҳам ошмоқда — улар 1,25 фоизга — 977,9 долларгача етди. Натижада Жефф Безос ўз бойлигини 83,3 миллиард долларгача кўпайтирди.

Zara бренди асосчиси Амансио Ортега бир кунда 2,2 миллиард долларга бойиди, аммо 82,2 миллиард доллар билан ҳамон учинчи ўринда қолмоқда.

Шунингдек, Уоррен Баффет 926 миллионга (76,4 миллиард доллар), Facebook асосчиси Марк Цукерберг 1 миллиардга (72,1 миллиард доллар), мексикалик магнат Карлос Слим 661 миллионга (70,1 миллиард доллар), Oracle директори Ларри Эллисо 975 миллионга (63,5 миллиард доллар), Франциянинг энг бой фуқароси Бернар Арно 1,3 миллиардга (58,4 миллиард доллар) бойиди.