КХДР ҳукмрон элитасининг бутун дунё бўйлаб махфий компаниялар тармоғи борлиги, у ўнлаб миллион доллар даромад олиш имконини бериши маълум бўлди, деб ёзади «MK.ru».
Ҳарбий масалалар бўйича мутахассис Андреа Бергер ҳужжатли фильмда айтиб беришича, Пхеньянда бундай мақсадлар учун «39-офис» ташкил қилинган. Қоғозда бу махфий департамент — шунчаки Корея ишчилар партияси бўлимларидан бири, амалда эса бу Ким Чен Ин ва унинг яқинлари норасмий молиявий операциялари учун «қора касса»дир. Экспертлар ҳисоб-китобларига кўра, ушбу «Офис» орқали Шимолий Корея етакчисининг оиласи йилига тахминан 1,6 миллиард доллар даромад олади.
Маблағлар тармоқнинг Африка, Яқин Шарқ, эҳтимол, Жануби-Шарқий Осиё мамлакатлари, ҳатто, АҚШ ва Буюк Британиядаги филиалларидан келиб тушади. Улар нимадир сотиши, даромаднинг бир қисмини эса Пхеньянга юбориши мумкин. Сингапурдаги собиқ шимолий кореялик молиячи Ким Кван-Чжиннинг айтишича, унинг корхонаси ҳам шундай йўл тутган ва ҳар йили Ким Чен Иннинг туғилган кунига 20 миллион доллар юборган.
Изоҳ (0)