Муҳандис Скотти Аллен iPhone 7 га қулоқчинлар учун порт ўрнатишга муваффақ бўлди. Порт ўрнатилган смартфон ишлашда давом этди. Бу ҳақда Motherboard нашри хабар берди.
Муҳандис ўзининг YouTube’даги каналида жараённи батафсил тавсифлаб берган. Унинг сўзларига кўра, бу иш учун тахминан тўрт ой кетган. Тажрибалар давомида бир нечта янги iPhone яроқсиз ҳолга келган. Оддий пармаланган корпусдан ташқари, Аллен смартфонга муҳрли плата ўрнатган. Плата қулоқчинларнинг тўғри ишлаши учун хизмат қилади.
Хитойда яшаётган Алленнинг таъкидлашича, у ҳозир iPhone’га портни ўрнатиш бўйича қўлланмани хитой тилига таржима қилмоқда. Муҳандис қўлланмани хитойлик усталар бу методни ўзлаштириши учун тайёрламоқда. Бундан ташқари, у Apple муҳандисларида қандайдир савол туғилса, уларга маслаҳат беришга тайёр.
2017 йилнинг апрель ойида Аллен хитой электроника бозоридан харид қилинган эҳтиёт қисмлардан iPhone 6s смартфонини йиғган. Натижада телефоннинг нархи тахминан 300 долларни ташкил қилган.
Изоҳ (0)