Telegram мессенжери яратувчиси Павел Дуров Америка махсус хизматлари уни қандай қилиб ҳамкорлик қилишга кўндиришга ҳаракат қилгани ҳақида гапириб берди, деб ёзади «РБК».
Уларнинг қизиқиши 2014 йилда Дуров «ВКонтакте»даги улушини сотиб, Россияни тарк этаётган вақтда бошланган. Чегарани кесиб ўтишда уни сўроқ қилишиб, махсус хизматларга фойдаланувчилар ҳақидаги маълумотларни тақдим этишни сўрашган. Бошқа сафарлари чоғида ҳам бундай қизиқишлар давом этган. Агентлар унинг почта манзилини олиб, зарур бўлиб қолган вазиятда Telegram’га ёрдам бериш таклифларини юборган.
2016 йил майида Google I/О конференциясида қатнашиш учун Сан-Францискога келганида эса, ФҚБ агентлари Дуров Airbnb орқали ижарага олган хонадонга огоҳлантиришсиз келган. Улар суд қарорини кўратиб, «жамиятни терроризмдан ҳимоя қилиш учун» Telegram’да норасмий канал очиб беришни ва террорчилик хавфи юзага келган тақдирда, муайян фойдаланувчилар ҳақида ахборот алмашишни таклиф қилган. Дуров ўз қарорини юристлари суд қарорини ўрганиб чиққанидан кейин билдиришини айтган.
Шундан кейин агентлар Telegram’нинг яна бир ходимини ўн минг доллар пора билан ана шундай махфий канал очишга кўндирмоқчи бўлган.
Изоҳ (0)