Экран қурилманинг бутун олд панелини эгалласа, олд камерани қаерга кўчириш керак? Бу муаммони қатор ишлаб чиқарувчилар экран ўртасидаги кесим ёрдамида ечди: Essential Phone, бўлғуси iPhone 8 ва маълум бўлишича, бўлғуси Galaxy S ва Note қурилмалари ҳам ана шундай кесимга эга бўлади, деб ёзади «Hi-tech.mail.ru».
Интернетда пайдо бўлган патент чизмалари Samsung янги қурилмалари экрани смартфон тепа қисмининг энг чеккасигача боришини кўрсатади, кичик кесимда эса олд камера, динамика ва турли датчиклар жойлашади. Кесим Essential Phone ва iPhone 8 экранларига ғоятда ўхшаш.
Патент Жанубий Кореяда 2016 йилнинг майида топширилган, бу юқоридаги икки ишлаб чиқарувчининг лойиҳалари ошкор бўлишидан анча олдиндир.
Аммо патент компаниянинг бундай қурилмани чиқариш ниятини билдирмаслиги ҳам мумкин, чунки ишлаб чиқарувчилар ўз ходимлари иш олиб бораётган ҳар қандай ғояларни патентлаб қўйишга мойил бўлади.
Изоҳ (0)