Фотогалерея: «Тахтлар ўйини» сериали давомида ўзгартирилган қаҳрамонлар

AdMe «Тахтлар ўйини» сериалининг машҳур қаҳрамонлари томошабинларга сездирмасдан ўзгартириб қўйилганлигини исботловчи суратларни тўплаб тақдим этди.

Даарио Нахарис

Сериалнинг учинчи мавсумида Дейенериснинг жазмани ролини британиялик актёр Эд Скрейн ижро этган бўлса, тўртинчи мавсумдан бошлаб унинг қаҳрамонини голландиялик актёр Михиль Хейсман жонлантирган.

Берик Дондаррион

Австралиялик актёр Дэвид Майкл Скотт биринчи мавсум саҳнасида Берик ролини ижро этган. Учинчи мавсумдан бошлаб эса унинг ролини Ричард Дормер эгаллаган.

Уч кўзли қарға

Тўртинчи мавсумнинг охирида Уч кўзли қарға ролини Струан Рожер ижро этган бўлса, бешинчи мавсумда ушбу ролни «Оскар» номзоди Макс Вон Сюдов эгаллаган.

Томмен Баратеон

Серсея Ланнистернинг ўғлини даслабки икки мавсумда Каллум Уорри жонлантирган бўлса, 4—5 мавсумларда Дин-Чарльз Чэпмен ижро этган.

Дикон Тарли

Олтинчи мавсумда Дикон ролини Фредди Строма ўйнаган, кейинчалик актёр бошқа фильмда суратга тушишга ўтиб кетганлиги сабаб ушбу қаҳрамонни Том Хоппер жонлантирган.

Зулмат қироли

Тўртинчи ва бешинчи мавсумларда Зулмат қироли ролини Ричерд Брейк ижро этган бўлса, олтинчи мавсумдан бошлаб унинг ўрнини Владимир Фудрик эгаллаган.

Мирцелла Баратеон

Аввалига, биринчи ва иккинчи мавсумларда Мирцелла ролини ирландиялик актриса Эми Ричардсон жонлантирган. Шундан сўнг бешинчи мавсумга қадар экранда кўринмаган Мирцелла ролини Нелл Тайгер Фри ижро этган.

Тоғ

Сериал давомида Тоғ ролини учта актёр ижро этган. Ушбу ролни биринчи мавсумда австралиялик актёр Конан Стивенс, иккинчи мавсумда каскадёр Иэн Уайт жонлантирган бўлса, тўртинчи мавсумдан бошлаб эса Хафтор Бьернссон ўйнаб келмоқда.