Италиялик актёр ва режиссёр Микеле Плачидо кинодаги фаолиятини тўхтатишини маълум қилди. Бу ҳақда La Repubblica хабар бермоқда.
«Кинода суратга тушишни тўхтатдим, бунга мени ундайдиган ҳеч қандай омил қолмади. Шу йил икки жиддий фильмда роллар таклиф этишди, аммо уларни рад этдим», — деди 71 ёшли актёр.
Шу билан бирга, Плачидо театрни ташлаб қўймаслиги ва аввалгидек режиссёрлик билан шуғулланишда давом этишини билдирди.
Микеле Плачидо кинода 1972 йилдан бери суратга тушиб келади, унинг ҳисобида юздан ортиқ роль бор. Актёрга «Саккизоёқ» телесериалидаги комиссар Коррадо Каттани роли дунё миқёсида машҳурлик олиб келди.
Изоҳ (0)