Дональд Трамп ўзига тегишли биноларда тасвирга олиш учун рухсат бериш эвазига фильмларда рол берилишини талаб қилган. АҚШ президентининг роллари сони кўплигини қисман шу билан изоҳлаш мумкин. Бу ҳақда актёр Мэтт Дэймон The Hollywood Reporter нашрига берган интервьюсида маълум қилди, дея хабар беради TJournal.
Дэймонга кўра, шундай келишувга мувофиқ Трамп ҳатто 1992 йилда экранларга чиққан Аль Пачино иштирокидаги «Аёл таровати» фильмида ҳам қатнашганди. Бироқ бизнесмен тасвирга тушган лавҳа якуний монтажда қирқиб ташланади.
«Иш кунидан бир соатни кераксиз суратга олишга сарфлашга тўғри келарди. Бу жараёнда уни албатта номини айтиб чақириш шарт эди. Трампни тасвирга олиш якунланганидан кейин эса у иштирок этган саҳнани олиб ташласа ҳам бўларди. ‘Уйда ёлғиз 2’ яратувчилари эса бундай лавҳасини сақлаб қолишга қарор қилган кўринади», — ҳикоя қилади актёр.
Изоҳ (0)