Одам биринчи марта Болтиқ денгизини сузиб ўтди (видео)

Польшалик Себастьян Карас Болтиқ денгизини сузиб ўтган тарихдаги биринчи одам бўлди. Сузувчи Польшанинг Колобжег шаҳри ва Даниянинг Борнҳольм ороли ўртасидаги 100 километрли масофани 28,5 соатда сузиб ўтди. Бу ҳақда «Корреспондент.net» хабар берди.

Спорт устасини кичик кема кузатиб борган. Масофанинг баъзи қисмларида тўлқинларнинг баландлиги икки метрга етган, сувнинг ҳарорати 20 даражадан кўтарилмаган.

https://www.facebook.com/100km.sebastian.karas/videos/1919229135008109/

Бу уриниш польшалик спортчининг Болтиқ денгизини сузиб ўтиш учун иккинчи уриниши бўлди. Ўтган йили у сузишни бошлаганидан саккиз соат ўтгач соғлиғи билан боғлиқ сабаб туфайли сузишни тўхтатган.

https://www.facebook.com/100km.sebastian.karas/videos/1919283408336015/

26 ёшли польшалик сузувчи Элблонг шаҳрида туғилган. 2015 йилда у Ла-Манш бўғозининг 41 километрли масофасини 8 соат 48 дақиқада сузиб ўтиб, Польша рекордини ўрнатган.

https://www.facebook.com/100km.sebastian.karas/videos/1919357828328573/

Аввалроқ австралиялик ногирон эркак Ла-Манш бўғозини сузиб ўтгани ҳақида хабар берилган эди.