Жанубий Африканинг Крюгер қўриқхонасида иккита бегемот тимсоҳга ҳужум қилиб, унинг чангалидаги гну антилопасини қутқариб қолди. Ноодатий ҳодисани қўриқхонага саёҳат учун борган 72 ёшли Мервин Ван Вик тасвирга олди. Видео YouTube’даги Kruger Sightings каналига жойланган.
Тимсоҳ подадан қолиб кетган антилопанинг орқа оёғидан тишлаган. Рептилия саккиз дақиқа давомида ўз ўлжасини сувга тортишга ҳаракат қилган. Шунда иккита бегемот антилопага ёрдамга келган. Улар сувга тушиб, сездирмасдан тимсоҳнинг орқа томонидан келган ва унга ҳужум қилиб, антилопани қўйиб юборишга мажбур қилган.
Видеонинг изоҳида қайд этилишича, бегемотлар антилопага раҳми келгани учун бундай ҳаракат қилмаган. Улар шунчаки тимсоҳни пайқамаган, антилопа уларнинг ҳудудига кириб қолгани учун уни қувиб чиқаришга қарор қилган.
Изоҳ (0)