Бекобод шаҳрида жорий йилда ҳар бири 42 хонадонга мўлжалланган етти қаватли иккита уй қурилмоқда. 2018 йилда худди шундай яна 10 кўп қаватли уй-жой барпо этилиши режалаштирилган.
Бекобод шаҳрида ташриф билан бўлган Ўзбекистон Президенти Шавкат Мирзиёевнинг қайд этишича, бошпана ҳаммага керак, айниқса, ёш оилаларга.
Энг катта масала — Бекобод металлургларга муносиб шаҳарми ёки йўқ? Бекободда истиқомат қилаётган одамларнинг кайфияти қандай? Одамларга энг аввало бошпана керак. Ёшларга ҳам, ёши ўтганларга ҳам шароит керак. Шунинг учун, 12 та кўп қаватли чиройли, арзон, ғиштдан уйлар қурамиз.Бекободда бундан бошқа янги мавзелар, кўп қаватли уйлар қурилиши ҳам режалаштирилган. Уйлар «Ўзбекистон металлургия комбинати» ва Бекобод цемент заводи ишчилари учун тижорат банкларининг кредити ҳисобидан қурилади.Бу сизларга ҳам далда бўлади. Мана, ёш оилалар ҳам бор. Ёш оилага нима керак? Тўғри, ота-онани, қайнона-қайнотани яхши кўради. Лекин ҳар бир ёш ўзи бир китоб ўқигиси келади, фарзандини ўзи тарбия қилгиси келади. Умуман, муҳит бошқа бўлади. Оталаримиз, оналаримизга ҳам яхши бўлади, ўзимизга ҳам яхши бўлади.
Шавкат Мирзиёев, Ўзбекистон Президенти
Хабар беришларича, ҳар йили ўртача 1 минг 200 хонадон фойдаланишга топширилади. Мавзедаги биринчи уйларни бир йилдан сўнг, Мустақиллик байрами арафасида фойдаланишга топшириш мўлжалланмоқда.
Президент Шавкат Мирзиёев янги даҳани «Мустақилликнинг 27 йиллиги массиви», деб номлашни таклиф қилди.
Изоҳ (0)