Ўзбекистон Президенти Шавкат Мирзиёев «Кимё саноатини 2017—2021 йилларда ривожлантириш дастури тўғрисида» қарор қабул қилди. Қарор матни давлат раҳбари сайтида жойлаштирилди.
Ҳужжат минерал-хом ашё захираларини чуқур қайта ишлаш бўйича чоралар кўриш, экспортга йўналтирилган тайёр кимёвий маҳсулотлар ҳажми ва турларини кўпайтириш, тўғридан-тўғри хориж инвестицияларини жалб этган ҳолда мамлакат иқтисодиёти тармоқларини зарур кимёвий материаллар билан таъминлаш мақсадида қабул қилинди.
Дастур ўз ичига кимё саноатини 2017—2021 йилларда ривожлантириш ва кимё корхоналари рентабеллигининг мақсадли параметрлари, 2017—2021 йилларда кимёвий маҳсулотларнинг асосий турларини ишлаб чиқаришнинг прогноз параметрларини ўз ичига олади.
Шунингдек, 2017—2021 йилларда кимё саноати корхоналарини қуриш, модернизация ва реконструкция қилиш ҳамда кенгайтириш бўйича инвестиция лойиҳалари рўйхати, «Ўзкимёсаноат» АЖ корхоналари ишлаб чиқариш цикллари ва молиявий барқарорлигини таъминлаш бўйича чоралар комплекси тасдиқланди.
Изоҳ (0)