Тошкент ирригация ва қишлоқ хўжалигини механизациялаш муҳандислари институти (ТИҚХММИ) ва Марказий Осиё минтақавий экологик маркази (CAREC) ўртасида ўзаро ҳамкорлик тўғрисида меморандум имзоланди. Бу ҳақда Specialist of Uzbekistan Country Office маркази «Дарё»га хабар берди.
Меморандумни бир томондан ТИҚХММИ ректори профессор Ўктам Умрзоқов ҳамда иккинчи томондан CAREC ижрочи директори Искандар Абдуллаевлар имзолади. Мазкур меморандум доирасида бутун Марказий Осиё минтақаси учун ягона «Мутахассислик ва илмий тадқиқот маркази» ташкил этилади.
Бу бизнинг институтимиз учун муҳим воқеа бўлиб, ушбу меморандумни халқаро лойиҳаларни амалга оширишда катта тажрибага эга бўлган Марказий Осиё минтақавий экологик маркази билан имзолаётган мамлакатдаги биринчи олий таълим муассасаларидан бири бўлишдан мамнунмиз. Экология XXI асрда ҳар қандай мамлакатини ривожлантиришнинг муҳим таркибий қисми ҳисобланади. Умид қиламизки, Меморандум бизнинг мамлакатимизда амалга ошириш мумкин бўлган буюк ишнинг фақатгина бошланиши бўлади. Меморандум доирасида ҳамкорликнинг дастлабки босқичи ягона «Мутахассислик ва илмий тадқиқот маркази» ташкил этиш бўлади.Марказнинг очилиши атроф-муҳитни муҳофаза қилиш кунига бағишланган Марказий Осиё халқаро экологик форуми билан ҳамоҳанг бўлади. Мазкур Форумни 2018 йил июнь ойида Тошкент шаҳрида да ўтказиш режалаштирилган.Ўктам Умрзоқов, ТИҚХММИ ректори
Изоҳ (0)