Вашингтон Покистон терроризмга қарши курашда кўраётган талафотларни эътиборга олмаётганидан Исломободнинг ҳафсаласи пир бўлди, деб ёзади «ТАСС» Покистон ташқи ишлар вазирлиги пресс-релизига таяниб.
«Дунёдаги ҳеч қайси мамлакат терроризм таҳдидини даф қилиш учун Покистончалик катта куч сарфлагани йўқ. Дунёдаги ҳеч қайси мамлакат терроризмдан Покистончалик жабр кўргани йўқ. АҚШ дастурий баёнотида Покистон ушбу курашда кўраётган катта талафотлар эътиборсиз қолдирилганидан ҳафсаламиз пир бўлди», — дейилади ҳужжатда.
«Террорчилар учун хавфсиз нуқталар ҳақидаги сохта ахборотга таянгандан кўра, АҚШ терроризмни қириб ташлаш учун Покистон билан бирга ишлаши керак», — дейилади унда.
Нашр эслатишича, 21 август, душанба куни Дональд Трамп АҚШнинг Афғонистон ва Жанубий Осиёдаги кейинги ҳаракатлари ҳақида гапириб берган эди. Трампнинг сўзларига кўра, Покистон «ўз ҳудудида террорчиларни яширишда давом этса, кўп нарса йўқотади».
Изоҳ (0)