Ироқ бош вазири Ҳайдар ал Ободий ИШИД гуруҳи жангариларининг Сурия билан чегарадаги сўнгги энг йирик таянчи — Талл-Афар шаҳрини террорчилардан озод этиш бўйича ҳарбий операция бошланганини эълон қилди, деб ёзади «РИА Новости».
«Азиз халқимиз, Талл-Афарни озод қилиш вақти келди», — деди у 20 август, якшанба куни телевизор орқали берган баёнотида.
Унинг сўзларига кўра, Ироқ армиясининг барча позициялари «Талл-Афар томонга уни қутқариш учун йўл олмоқда».
«ИШИД энди ё таслим бўлиши, ё ўлиши керак», — дея таъкидлади бош вазир.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)