Шимолий Корея Жануби-Шарқий Осиё мамлакатларига кўмир ва темир рудаси етказиб беришни йўлга қўйган. Бу ҳақда, БМТнинг хос ҳисоботига асосланиб, Kyodo агентлиги хабар бермоқда.
«Февраль ойи ўрталарида Хитой КХДРдан хом ашё қабул қилишни тақиқлаганидан сўнг, Шимолий Корея ўз маҳсулотларини Малайзия ва Вьетнамга етказиб беришни йўлга қўйган», — дея ҳисоботдан иқтибос келтирмоқда «Коммерсантъ».
Ҳисоботга кўра, биргина жорий йилнинг февралидан кейинги олти ой давомида Жануби-Шарқий Осиё мамлакатларига 270 миллион долларлик маҳсулот етказиб берилган.
Эслатиб ўтамиз, АҚШ Россия ва Хитойдан КХДРга нисбатан муносабатни янада қатъийлаштиришни, хусусан, расмий Пхеньянга иқтисодий ёрдам кўрсатишни тўхтатишни талаб қилишда давом этмоқда.
Изоҳ (0)