Россиялик журналист Андрей Малахов жамоаси «Биринчи канал»ни тарк этди

Россиянинг «Биринчи канали»даги энг машҳур шоулардан бири — «Пусть говорят» дастури жамоаси ишдан кетди. Бу ҳақда «Ведомости» хабар бермоқда.

Шоу бошловчиси Андрей Малаховнинг қолиш-қолмаслиги ҳозирча номаълум.

Кўрсатув продюсери Наталия Галькович ҳам жамоанинг телеканални тарк этганини тасдиқлади. У Instagram’даги саҳифасида шоу ходимлари Андрей Малаховнинг картон расми ва бошқа буюмлари билан «Останкино»ни тарк этаётгани акс этган видеони жойлаштирди.

Ўтган ҳафта ОАВда Малахов канални тарк этиши мумкинлиги ҳақида хабарлар пайдо бўлган эди. Бунинг турлича сабаблари кўрсатилмоқда. Журналистнинг ўзи бу борада расмий изоҳ бермаяпти. Тахминларга кўра, жамоа телеканал раҳбарияти, хусусан, продюсер Наталия Никонова билан ихтилофга борган.

Бундан ташқари, кўрсатув Малаховсиз суратга олинмоқда. Унинг ўрнини бошловчи Дмитрий Борисов эгаллайди.