Режиссёрлардан ўз қаҳрамонларини ўлдиришни сўраган актёрлар (фотогалерея)

Фильмда севимли персонажингиз вафот этгани — қайғули ҳолат. Кўпинча бу сюжет бўйича бўлади, аммо шундай вазиятлар ҳам учраб турадики, актёрнинг ўзи ўз қаҳрамонини ўлдиришни сўрайди, деб ёзади AdMe.

«Юлдузлар жанги». 5 ва 7-эпизодлар, Харрисон Форд

1-қисмни ўйлаш пайтидаёқ Форд ўз персонажини ўлдиришни хоҳлаган ва шу орқали уни томошабинлар наздида қаҳрамонга айлантирмоқчи бўлган эди. Аммо Лукас Фордни 5-эпизодда фақат музлатиб қўйишга рози бўлди, кейин эса қайта тирилтирди. Харрисоннинг илтимосини 7-эпизоддагина амалга оширишди — у яна персонажининг ўлимини сўради ва бу фильмга ҳиссийлик бериши ва янги персонажлар пайдо бўлишига йўл очиб беришини айтди.

«Узуклар ҳукмдори», Шон Бин

Бин суратга олиш жойлари ўзгариши ва кўп учишга тўғри келиши (у самолётда учишдан жуда қўрқади)ни билгач, фильмда суратга тушишга қарор қилганидан пушаймон бўлди ва ўз қаҳрамонини ўлдиришларини сўради.

«Ўзга-3», Сигурни Уивер

Актриса фильмнинг 3-қисмида персонажни ўлдиришни ўзи сўраганини тан олди. «Мен «Ўзга Йиртқичга қарши» фильмини суратга олишмоқчи эканликлари ҳақида эшитдим, бу мени жуда хафа қилади, чунки мен бу фильмлардан жуда фахрланаман», — деган эди актриса бу борада. Шу тариқа у франшизани барбод қилиб, ўз персонажи ҳеч қачон қайтиб келмаслигига эришмоқчи эди.

«Тубанлашув», Дин Норрис

Суратга олиш ишларига тайёргарликлар олдидан Дин Норрис сценарийнавислар финал устида ишлаётганини биларди ва янги сериалга кетишга қарор қилгач, ўз қаҳрамонининг ўлимини тезлаштиришни сўради. Норрис ўз персонажини сўнгги серияда эмас, охирги мавсумнинг биринчи ярми сўнгида ўлдиришни таклиф қилди. Шундай қилишди ҳам, аммо Норрис суратга олиш ишлари чўзилиб кетгани сабабли барибир янги сериалга улгура олмади.

«Тахтлар ўйини», Кит Харингтон

Кит Харингтон ўша вақтда хурсанд эди, чунки у ўз персонажининг ўлимини ортиқ сир тута олмасди ва бу иложи борича тезроқ юз беришини истарди. Аммо қайта тирилиши ҳақидаги сирни сақлаш янада қийинроқ кечди. Янги мавсум чиққач, Кит унинг персонажи йўқотадиган нарса йўқлигини тан олди ва, эҳтимол 8-мавсумда у бўлмас.

«Тахтлар ўйини», Софи Тёрнер

Софи Тёрнер бу сериалда ҳаммани ўлим кутаётганига ишончи комил ва унинг ўзи ҳам ўз персонажининг вафоти ҳақида ўйламоқда. Балки, Тёрнер бу ролдан чарчаб, лойиҳани кучли таассурот қолдирган ҳолда тарк этмоқчидир?