Ўзбекистон ва Қорақалпоғистон халқ артисти Озодбек Назарбеков «Ёшлар» телеканали директорлигидан нима учун кетганлигига изоҳ берди. Бу ҳақда UZ24 хабар берди.
«Fattohhon.com»га таяниб, маълум қилинишича, Озодбек Назарбеков «Ёшлар» телеканалига директор этиб тайинлангач, қоғозлар билан банд бўлиб қолган.
Ёшлар телеканали директорлигини бош продюсер лавозимига келишилган ҳолда алмаштирдик. Телеканалга бирдан директор этиб тайинлангач, табиийки ишга боришим билан қоғозлар билан банд бўлиб кетдим. Шунинг учун ҳам мен ўзимга мақсадга мувофиқ келадиган шароит яратишим кераклигини тушундим ва бу амалга оширилди. Эндиликда фаолиятим бош продюсерликда давом этади. Иш услуби шуни талаб қилади.Энг керакли ва натижали иш шу бўлди-ки, биринчи навбатда телеканалда ишлаш принциплари тубдан ўзгарди. Яъни ички қонун-қоидаларда концепция ўзгарди. Ҳали ҳаммаси 100 фоиз ишга туширилгани йўқ, аммо биринчиси бошланди. Жаҳон тажрибасидан маълумки, ҳар бир телеканалда таъсисчи, директор ва продюсер бўлади. Телеканалнинг ижодий сифатини назорат қилиб турадиган аслида ўша продюсер. «Ёшлар» телеканалида ҳам продюсерлик штати бўлган, аммо уни аниқ вазифаси белгиланмаган. Шунинг учун ҳам ҳозир биринчи бўлиб Продюсерлик бўлимини ташкил қилдик. Бу бўлим ижодга тааллуқли ҳар қандай масалалар билан шуғулланади. Канал стилистикаси билан шуғулланадиган ҳам, каналнинг «юзи»ни кўрсатиб берадиган ҳам, ўша Продюсерлик бўлими бўлади.
Озодбек Назарбеков, Ўзбекистон ва Қорақалпоғистон халқ артисти
Изоҳ (0)