Қуролланган шахсларнинг ҳужуми оқибатида АҚШнинг Афғонистондаги Баграм авиабазасида фаолият олиб борувчи уч аёл ҳалок бўлди, яна бири тан жароҳати олди. Бу ҳақда «РИА Новости» хабар бермоқда.
Маҳаллий Tolo News телеканали маълумотларига кўра, қуролланган шахслар ҳужум уюштирилган ҳудудни тарк этишга улгурган. Ҳозирча мазкур воқеа учун жавобгарликни ҳеч бир террорчи гуруҳ ўз зиммасига олгани йўқ.
Сўнгги ойларда Афғонистондаги вазият сезиларли оғирлашди. Авваллари асосан қишлоқ ҳудудларни назорат қилиб турган «Толибон» радикал ҳаракати энди йирик шаҳарларга босқин уюштирмоқда. Бундан ташқари, мамлакат ҳудудида ИШИД террорчилик ташкилоти таъсири ҳам кучайган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)