Ироқда 27 киши 2014 йилда ИШИД террорчилик ташкилоти назорати остидаги ҳудудда оммавий қотилликларда қатнашгани учун, ўлим жазосига ҳукм қилинди, деб ёзади «Корреспондент.net». Ўшанда 1700 киши ўлдирилган эди.
«Марказий жиноий суд Шпейхердаги оммавий қотилликлардаги иштироки учун судланган 27 айбланувчига нисбатан ҳукм чиқарди», — дейилади Ироқ Олий суд кенгаши вакили судья Абдул Саттор ал-Беракдар тарқатган баёнотда.
Унинг таъкидлашича, қарор «дастлабки бўлиб, шикоят берилиши мумкин».
«Шпейхердаги қирғин» деб номланувчи оммавий иш бўйича 2016 йилда ҳам 36 киши қатл этилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)