Motorola компанияси Moto G5S ва G5S Plus смартфонларини тақдим этди, деб ёзади «Лайфхакер».
Металл корпусли қурилмалар ягона дизайн бўйича ясалган ва фақат ҳажмига қараб фарқланади. Moto G5S 16 мегапикселли камерага, G5S Plus эса 13 мегапикселли қўш камерага эга бўлди, иккинчи модул оқ-қора фотосуратлар ва орқа фонни дастурли хиралаштириш учун ишлатилади. Шунингдек, смартфонларда дисплей тагида бармоқ изи сканери ҳам бор.
Иккала модель ҳам TurboPower тезкор қувват олиш функциясини қўллаб-қувватлайди. Ишлаб чиқарувчи ваъда қилишича, G5S 15 дақиқада 5 соат, Plus версияси эса 6 соат учун етарли қувватни олади. Смартфонлар Android 7.0 Nougat операцион тизимида ишлайди.
Motorola брендига эгалик қилувчи Lenovo компанияси ҳали савдо бошланганини ва янги смартфонлар нархларини эълон қилганича йўқ. Аммо инсайдер Роланд Куандт маълумотларига кўра, смартфонлар 300 ва 330 евро нархда сотилади.
Moto G5S / G5S Plus хусусиятлари
- Дисплей — 5,2 дюйм, 1920×1080 пиксел / 5,5 дюйм, 1920×1080 пиксел.
- Чип — Snapdragon 420, 8 ядро, 1,4 ГГц / Snapdragon 625, 8 ядро, 2,0 ГГц.
- Хотира — 2,3 ёки 4 Гб тезкор хотира ва 16, 32 ёки 64 Гб доимий хотира.
- Аккумулятор — 2800 мА/соат / 3000 мА/соат.
Изоҳ (0)