Аввалроқ iPhone 8 смартфони iPhone 7S ҳамда iPhone 7S Plus билан биргаликда 5—6 сентябрь куни тақдим этилиши ҳақида гап-сўзлар тарқалган эди, бироқ iPhone 8’ни етказиб бериш октябрь ойидан бошланади. iPhone 7S ва 7S Plus бозорга 17 сентябрь куни чиқади, деб хабар берди «Hi-tech.mail.ru».
Япониянинг Macotakara техник блоги iPhone 8’га боғлиқ янги маълумотларни тарқатди. Унга кўра смартфонда қувватлантирувчи тугамада ҳеч қандай датчик бўлмайди. Шунингдек, iPhone 8 учун ишлаб чиқарилган бирорта ғилофда қувват тугмаси учун тешик мавжуд эмас. Бундан келиб чиқадики, Apple Touch ID датчигини экран остига жойлаштиришнинг имконини топган.
Таниқли дизайнер, «миш-мишлар устаси» Бенжамин Гескиннинг Twitter’га ёзишича, Apple бармоқ изи сканерини экран остига жойлаштиришга муваффақ бўлган. Шунга қарамай Touch ID датчиги смартфонда умуман бўлмаслиги ҳам мумкин.
Юқоридаги суратдан кўриш мумкинки қурилмада кўз шох пардасини аниқловчи бир жуфт датчик жойлашган. Бу iPhone 8’да 3D юз таниш функцияси бўлиши мумкинлигини англатади.
Изоҳ (0)