Motorola kompaniyasi Moto G5S va G5S Plus smartfonlarini taqdim etdi, deb yozadi “Layfxaker”.
Metall korpusli qurilmalar yagona dizayn bo‘yicha yasalgan va faqat hajmiga qarab farqlanadi. Moto G5S 16 megapikselli kameraga, G5S Plus esa 13 megapikselli qo‘sh kameraga ega bo‘ldi, ikkinchi modul oq-qora fotosuratlar va orqa fonni dasturli xiralashtirish uchun ishlatiladi. Shuningdek, smartfonlarda displey tagida barmoq izi skaneri ham bor.
Ikkala model ham TurboPower tezkor quvvat olish funksiyasini qo‘llab-quvvatlaydi. Ishlab chiqaruvchi va’da qilishicha, G5S 15 daqiqada 5 soat, Plus versiyasi esa 6 soat uchun yetarli quvvatni oladi. Smartfonlar Android 7.0 Nougat operatsion tizimida ishlaydi.
Motorola brendiga egalik qiluvchi Lenovo kompaniyasi hali savdo boshlanganini va yangi smartfonlar narxlarini e’lon qilganicha yo‘q. Ammo insayder Roland Kuandt ma’lumotlariga ko‘ra, smartfonlar 300 va 330 yevro narxda sotiladi.
Moto G5S / G5S Plus xususiyatlari
- Displey — 5,2 dyuym, 1920×1080 piksel / 5,5 dyuym, 1920×1080 piksel.
- Chip — Snapdragon 420, 8 yadro, 1,4 GGs / Snapdragon 625, 8 yadro, 2,0 GGs.
- Xotira — 2,3 yoki 4 Gb tezkor xotira va 16, 32 yoki 64 Gb doimiy xotira.
- Akkumulyator — 2800 mA/soat / 3000 mA/soat.
Izoh (0)