Дональд Трамп Apple бош директори Тим Кук унга қўнғироқ қилгани ва АҚШда «учта катта ва ажойиб завод» қуришни ваъда қилганини билдирди. Президент бу ҳақда The Wall Street Journal нашрига берган интервьюсида айтиб ўтган, дея хабар беради «Ведомости».
Трамп лойиҳанинг бошқа тафсилотларини ошкор этмаган. Apple мазкур маълумотга изоҳ беришдан бош тортди.
Ҳозирда компания АҚШда фақат Mac Pro ишлаб чиқаради, асосий корхоналар эса мамлакат ташқарисида жойлашган. Шунингдек, кўплаб етказиб берувчилар хизматидан фойдаланилади.
The Verge нашрига кўра, президентнинг айтганлари тасдиқланса, бу Apple сиёсатидаги жиддий ўзгаришлардан далолат беради. Олдинроқ Трамп компанияни маҳсулотларини Хитойда ишлаб чиқаргани туфайли танқид қилган эди.
Изоҳ (0)