Қўшма Штатларнинг халқаро саҳнадаги асосий рақиби Россия ёки Эрон эмас, Хитой ҳисобланади. Бу ҳақда МРБ директори Майкл Помпео Washington Free Beacon нашрига берган интервьюсида маълум қилди, дея хабар берди «ТАСС».
«Мазкур уч давлатдан Хитой Америкага ўрта ва узоқ муддатли истиқболда энг кўп рақобат қилиш салоҳиятига эга деб ўйлайман. Хитойда, ер остидан неча баррель нефть қазиб олишига қараб ўладиган ва тириладиган Россиядан фарқли равишда, ўзи томонидан қурилган реал иқтисод мавжуд. Эрон иқтисодиётига келсак, у ҳам етарлича ривожланмаган ва салоҳияти бўйича Хитойга тенг келолмайди», — таъкидлади Помпео.
МРБ директорига кўра, Хитой АҚШ ҳарбий кучларига қарши туришга қаратилган ҳарбий салоҳиятини ошириб бормоқда. Шунингдек, Пекин «Америка технологияларини ўғирлаш ёки улар билан рақобатда муваффақият қозонишга ишонч ҳосил қилишга, аксарият ҳолларда эса унисига ҳам, бунисига ҳам уринади».
Помпео Хитойнинг разведка соҳасидаги ортиб бораётган имкониятларидан ҳам ташвиш билдирди.
Изоҳ (0)