АҚШ Россия, Эрон ва КХДРга қарши санкцияларни имкон қадар максимал даражада қўллайди. Бу ҳақда АҚШ молия вазири Стивен Мнучин маълум қилди, деб ёзади «ТАСС».
Сенаторлардан бири вазирдан вакиллари палатаси томонидан қабул қилинган, Москва, Теҳрон ва Пхеньянга қарши санкцияларни кучайтиришни ўз ичига оладиган қонун лойиҳасини қўллаб-қувватлаши ҳақида сўради.
«Ҳа. Такрор айтаман, биз санкцияларни имкон қадар максимал даражада қўллаймиз. Бизда қонун лойиҳаси ижро этувчи ҳокимият ваколатларига соя солиши ва баъзи чекловларни киритиши ҳақида хавфсирашлар бор, аммо биз КХДР, Россия ва Эронга қарши санкцияларни тўлиқ қўллаб-қувватлаймиз», — деди Мнучин.
«Биз уларни супер тажовузкорона қўллаймиз», — дея қўшиб қўйди у.
Аввалроқ АҚШ сенаторлари Россия, Эрон ва КХДРга қарши янги санкциялар тўғрисидаги қонун лойиҳаси бўйича бир битимга келган эди.
Изоҳ (0)