Яхши кайфият билан уйғониш ва кун бўйи уни сақлаб қолиш учун нималар қилиш керак?

Кунингиз хайрли бўлиши учун уни тўғри фикрлар билан бошлашингиз керак. Бунга уйғонгандан кейин бир неча сония вақтингиз кетса ҳам самараси кечгача сақланиб қолади.

Бошингизни ёстиқдан кўтаришдан олдин, бир неча сония вақтингизни фикрларингизни тўғри йўналтириш учун сарфланг. «Мен тўйиб ухладим» ва «Мен ҳаммасига улгураман» деб ўйланг. Аста-секинлик билан бу фикрлар катталаша бошлайди. Уларнинг орқасидан худди шундай бошқа ижобий фикрлар кела бошлайди ва натижада сиз ҳар куни ҳаётингизда бор бўлган яхши нарсалардан қувона бошлайсиз.

Бу ўз-ўзини алдаш эмас, бу вақтидан олдин ўзига ачинишни тўхтатиш ва ўзингизда бор нарсаларга диққатингизни тортишнинг йўли. Сизда бор нарсалар эса кам эмас: бошпана, егулик, яқин одамларингиз, кўплаб муаммоларни ечишга етадиган куч.

Бу нафақат сизга, балки атрофдагиларингизга ҳам яхши таъсир кўрсатади. Ҳар доим қониқмайдиган, ҳамма нарсага улгуриш ғоясига чалинган ва ҳаётдан кўпроқ нарса олмоқчи бўлган одамдан кўра хотиржам ва ўзига ишонган одам билан ишлаган яхшироқ албатта.

Бошқалар билан нималарни ўртоқлаша олишингиз ҳақида ҳам ўйлаб кўринг. Балки сиз дўстларингиздан бирортасига ёқадиган яхши китоб ўқиган бўлишингиз мумкин. Ёки офис учун керак бўладиган қизиқарли дастур топгандирсиз.

Манба: Women’s Health