Айниқса, болалар билан автомобилда саёҳатга чиққан бўлсангиз, уларнинг йўлда зерикиб қолиши эҳтимоли катта. Мақолада келтирилган ўйинлар билан эса вақт қандай ўтиб кетганини сезмай қоласиз. Баъзи ўйинларни эса нафақат машинада, балки оддий оилавий ёки дўстона ўтиришларда ҳам ўйнаш мумкин.
Улар ким?
Ҳар бир иштирокчи яқиндаги автомобиллардан бирини танлайди ва бошқа иштирокчидан у ҳақда ҳикоя сўзлаб беришни сўрайди. Фантазиянинг чегараси белгиланмаган, энг қизиқарли ва креатив ҳикоя эса ғолиб бўлади.Мен томонда сигир
Агар йўлингиз қишлоқ жойдан ўтган бўлса, бу ўйин сизга мос тушади. Унинг моҳияти оддий. Автомобилнинг сиз ўтирган томонидан сигир кўринганида ҳар сафар «Мен томонда сигир!» деб бақиринг, шунда бир очкога эга бўласиз. Агар сигир машинанинг бошқа томонида бўлса, рақибингиздан аввал «Сен томонда сигир!» деб бақиришга улгурсангиз, унинг очкосини қўлга киритасиз.Мен ҳеч қачон…
Барча иштирокчилар қўл кафтларини очиб туради ва ҳар бири навбат билан ҳеч қачон қилиб кўрмаган ишини айтади. Бу ишни қилганлар эса бармоқларини букади. Иккала қўлидаги барча бармоқларни биринчи бўлиб букиб бўлган иштирокчи ютқазади.Қўшиқлар орқали суҳбатлашиш
Барча иштирокчилар фақат қўшиқлардан олинган иқтибослар ёки қўшиқлар номлари билан суҳбатлашиши керак. Тез орада куйлаб юбориш хоҳиши туғилади, аммо бу қатъиян тақиқланган!Мусиқий жанг
Бунда икки киши мусобақалашади, қолганлар ҳакамлик қилади. Дастлаб қўшиқ танланади. Ҳакам мавзуни айтади, масалан, 90-йиллардаги машҳур қўшиқлардан. Иштирокчилар мос қўшиқни танлаб олади ва навбат билан уни ижро этади. Шундан сўнг ҳакам ким яхши куйлаганини аниқлайди.Манба: Woman’s Day
Изоҳ (0)