АҚШ ҳарбий-денгиз кучларининг кемаси 25 июль куни унга яқинлашган Эрон катерига қарата огоҳлантирувчи ўқ узди. Бу ҳақда, CNN телеканалига асосланиб, «ТАСС» хабар бермоқда.
АҚШ мудофаа вазирлиги вакилларининг сўзларига қараганда, воқеа Форс кўрфазининг шимолий қисмидаги халқаро сувларда рўй берди. Эрон катери АҚШ кемасининг радио орқали алоқага чиқиш ҳаракатларига ва сигнал ракеталарига, шунингдек, бешта қисқа сирена сигналига жавоб бермади. Катер 150 метрга яқинлашганида америкалик денгизчилар ҳавога қарата ўқ узди.
Катер Эрон ислом инқилоби муҳофизлари корпусига тегишли эканлиги айтилмоқда.
Изоҳ (0)