Саудия Арабистони, Бирлашган Араб Амирликлари, Баҳрайн ва Миср «террорчилик рўйхати»ни кенгайтирди ва унга гўё Қатар расмийлари билан боғлиқ 9 киши ва шунча ташкилотни киритди. Бу ҳақда «ТАСС» хабар бермоқда.
Араб давлатлари тўртлиги террорчи гуруҳларни қўллаб-қувватлашда айблаётган 59 киши ва 12 ташкилотдан иборат қора рўйхат амирлик бойкоти билан боғлиқ инқироз аввалида эълон қилинганди.
Доҳа бир неча бор мазкур рўйхат асосга эга эмаслиги ва Қатарга алоқаси йўқлигини билдирганди.
Рўйхатни Ямандаги 3 ва Ливиядаги 6 ташкилот, шунингдек, Қатар ва Яманнинг 3 нафардан, Ливиянинг 2 ва Кувайтнинг бир фуқароси тўлдирди.
Ушбу шахс ва ташкилотлар «Ал-Қоида» тармоғи ва унинг Суриядаги бўлими — «Жабҳат ан-Нусра» гуруҳини қўллаб-қувватлашда айбланмоқда.
Изоҳ (0)